حملة لا للردود العشوائية

تذكير بمساهمة فاتح الموضوع :

السلام عليكم ورحمة الله وبركاته

تحيه طيبه ..

أخي العضو الكريم .. أختي العضوة الكريمة

شارك معنا في حمله لمحاربة الردود السطحيه

الردود السطحية بـكلمة يسلمووو او شكرا وما شابهها من الكلمات المختصره

في مواضيعنا مللنا منها00 آن الاوان بمحو هذه العبارات و محو الكلمة الواحده يسلمو وشكرا

دون نقاش او حوار او ابداء رائ00 استشعرو قيمة مايكتبه العضو والعضوه وقيمة مايقدمه من مواضيع

لو تأملت المواضيع لوجدت كثير من المواضيع اصابها الفتور والسبب كلمة يسلموو

وهذا سبب من اسباب فتور المنتدي وعدم تشجيع الاعضاء بتقديم الافضل

الافضل رد جيد خير من الف رد بكلمه واحده ممله وسطحيه

وهذا يؤدي الي احباط عزيمة كاتب الموضوع

ويقول بكل صراحه لما اتعب نفسي دون فائده مرجوه

بعض الأعضاء يقولون .. أننا نتميز وكل واحد منا حراً في ردوده الخاصة

وأنا أقول لهم ..

يمكنكم وضع ردودكم الخاصة بكم إذا أردتم بذلك التميز والابداع لكم هذا ولا مانع لدينا

لكن أبتعدوا عن الردود السطحية و الكلمات المختصره وربما كلمة واحده!

أعلموا أنكم لن تصلوا ما تريدونه من خلال الردود السلبية

لأن مثل هذه الردود تدل على أن القارئ لم يقرأ الموضوع أصلاً

أو ربما قرأ بدايته فقط أو أن الموضوع أساساً لم يعجبه وأراد برده رفع العتب

لا تجعلوا أكبر همكم هي زيادة المشاركات فقط

اجعلوا آرائكم بأسلوب لبق وواضح لتكون متميزة لتصلوا القمة دوماً

وأنتم لن تخسروا بذلك شيئاً ولن تسقطوا بقلة الردود .. أتعلمون لماذا ؟؟؟

لأنكم قمتم بأجمل المواضيع والردود المتميز والنقاشية

والتي لن تأخذ من أوقاتكم سوى دقيقة أو دقيقتين

وبذلك تكونوا قد خطوتم خطوة النجاح والتميز

قارنوا بين هذين العضوين ...

هل هما يستويان مثلاُ !!

عضو له 1000 مشاركة ومعظم ردوده سطحية هذا إن لم تكن كلها

وعضو آخر له 50 مشاركة

ولكنها من أحسن الردود وأفضلها من ناحية النقاش الايجابي

لن تستطيع أيها العضو الكريم تثبيت وجودك بزيادة مشاركاتك

وإنما بمواضيعك المتميزة ونشاطك في المنتدى ويجب أن تتخلص من كلمة يسلموو نهائياً

وليست المشكلة في كلمة وإنما وضعها دون مناقشة مفهوم الموضوع

ختاماً ...

أرجو من الأعضاء والمشرفين التفاعل لهذه الحملة

والتي ستحملنا نحن ومنتدنا إلى التقدم والتميز والابداع بإذن الله
ومعا ليكوون المنتدى في القمة معا للابداع والتميز

بالتوفيق للجميع

****************************************

كلامكم صحيح وعندكم حق المشكلة يا جماعة انى معظم الى بيردوا مش بيقروا اصلا الموضوع بيردوا وخلاص وانا باذن الله معاكم

زائر New Page 2 بيانات اضافيه [ + ]

Princesse de la Reine كتب:

ده لان منتدانا لخدمات التصميم

والنتدى نشيط الحمد لله بس مفيش نقاش بين الاعضاء ومعظمنا منعرفش بعض

مفيش ترابط بينا

الاول علشان المنتدى بيقدم خدمـات زى ماقولت بمقابل بسيط وانتى مش بتحددى فى الشروط انه ممنوع الردود السطحيه

شوفتى بنفسك -- كل المواضيع -- شكراااااااا ورد موحد وحاجة تجنن

لكن لو غيرتى الشروط يعنى مثلا عدد المساهمات زى ماهوما 50 للمدخل مثلا

تقولى اى رد غير تابع للموضوع لايحتسب

فالبالتالى هنـا كل واحد هيقرأ الموضوع وهيبقا فى نقاش بجد

ـــــــــــــــــــــــــــــــــــــــــــــــــــــــــــــــ

يعنـى انا واحد من الناس سجلت هنـا فى المنتدى علشان خدماتكـم

بس مش معنــى كدا انى اكرة الناس فيا

بالعكس انا اول حاجة قولت ارفع مواضيعــى الحصريه ومابخفهاش ع حد

كدا انا عملت خطوة كويسه الاعضاء هيقولوا شكله محترم ومش عاوز كتر مساهمات ع الفاضى

ادينى كدا ابتديت اقرب المسافه بينى وبين الاعضاء

موضوع ترحيب مثلا " المسافه كدا قربت اوى "

لسه جديد وانا برحب بالاعضاء " الاعضاء تبتدى تحبنـى

اطلب منكم طلب " ماحطش ردود سطحيه " تلاقى نفسك بتعمليه بنفس حلوة " صح

كل دى من عوامل الترابط

يمكن انا جديد بس الحمد لله الواحد شايف الاحترام من الاعضاء

اقل حاجة لما اغيب ابقى سايب بصمه فى المكان

مش بصمتى تبقى عبارة عن كلمه واحدة "شكرااااااااااا "

ــــــــــــــــــــــــــــــــــــــــــــــــــــــــــــــــــــــــــــــــــــــ

بالنسبه بئا ان مافييش ترابط بين الاعضاء

فدى مشكله المنتدى ككل

ادارة - اشراف - اعضاء

بس المشكله الاول تقع ع الادارة

المفروض او اعتبريه اقتراح

نعمل موضوع جميل كدا

كل واحد يدخل يعرف بنفسه

ونشيل الالقاب

مثلا ~~ايجـى جوست~~ لأ اقول اسمـى واعرف بنفسـى

وهكذا ساعتها بس هيبقى فى ود وحب بين الاعضاء

انا حاسس انى طولت عليكــم

وان شاء الله نقدر فعلا نقضى ع الردود البهتانه دى

ـــــــــــــــــــــ مع التحيـهـ ــــــــــــــــــــــــــــ

وانا معاكم

ايجى جوسا فعلا كلامك صحيح ميه فى الميه

ومقهى الاعضاء موجود لكده

بس الحمد لله شايفة استجابة من الاعضاء

و انا كمان معكم و برأي ان تعملوا تصويت
كلنا مللنا من هذا
و مشكور علي طرح رائع

وانا مش معاكم
هههههههههههههههههههههههههههههههههههههه
بهزر انا معاكم وانا شخصيا بكتب مش بحط ابتسامات

انا معاكم يا جماعة فى الحملة دى
الانسان اما بيبذل مجهود فى موضوع بيتمنى الناس تقدره بكلمة شكر
و مناقشة و اهتمام باللى طرحه فى موضوعه

بس انا رأيى اننا مش نلغى كل الوجوه الضاحكة
نلغى بس اللى ممكن تحل محل الرد
و المفروض من المشرفين ان اى رد يحتوى فقط على الوجوه الضاحكة يلغى و لا يحسب
فى عدد مشاركات العضو
و اذا تكرر الامر يتم لفت نظره مثلا و بعد كده ممكن الادارة تاخد معاه اجراء
زى مثلا حرمانه من شىء معين